餐廳設有不同時段的收費，我們當晚 8:45pm後入座，成人只須$168/位(任食)，連埋加一$200位都唔駛，真係非常抵食呀！
不同類型的食物，會放在不同顏色的order紙上，款式選擇多，分別有A. 剌身、B. 壽司、C. 火灸壽司、D. 卷物/手卷、E. 小食、F. 一品料理、G. 爐端燒、H. 鐵板燒、I 炸物/天婦羅、J. 煱物、K. 和風料理等......一應俱全。
餐廳設有自助飲品及甜品區，提供多款罐裝或支裝汽水、果汁、茶及杯裝雀巢雪糕同雪米糍，給客人自取，任飲任食！或每位加$30，可以升級任飲指定生啤、清酒及梅酒。
食日式放題指定動作，當然係先食刺身啦！一大盤刺身併盤來囉 ~
刺身選了三文魚、鱆紅魚、有頭甜蝦、赤蝦、北寄貝、珍寶帶子、玉子及鮑片等......
赤蝦夠甜夠大隻，珍寶帶子口感軟滑，
三文魚肉質細嫩肥美，味道鮮甜甘香，啖啖肉。
每款刺身都切得大大件，而且款款都同樣新鮮好味！
和風科理選了枝豆及人參雞湯，而小食就選了蟹子沙律。
人參雞湯喝下去有一種鲜人參的甘香，雞湯清而不膩，甘甜好喝！
而枝豆及蟹子沙律保留到新鮮蔬菜的爽口及清甜，味道不錯！
一品料理選了豉椒炒蜆、腐乳生菜、芝麻雞翼及和風芝土廣島蠔。
豉椒炒蜆有少少辣，炒得惹味又冇沙！
腐乳生菜，生菜夠嫩夠爽，陣陣腐乳香氣，味道不會太重，咸香好味！
芝麻雞翼炸得剛剛好，入口皮脆肉嫩啖啖肉，加上芝麻，非常香口！
和風芝土廣島蠔，廣島蠔用芝士焗至剛剛熟，size雖然細細隻，但肉質不錯，芝士味不會太濃，不會蓋過蠔的鮮甜味。
爐端燒有燒活海蝦、汁燒年柳粒、岩鹽燒牛舌、炭燒墨魚丸及岩鹽燒多春魚。
燒活海蝦 size有手掌咁大隻，肉質厚實，啖啖肉，味道鮮甜又爽口！
汁燒年柳粒，肉質軟腍，以醬汁燒得香香的！
岩鹽燒牛舌，肉質爽嫩，牛味濃郁，灑上岩鹽更顯鮮味。
炭燒墨魚丸及岩鹽燒多春魚，雖然簡單平凡，但味道卻是不錯啊！
鍋物有野菌雜菜鍋同清酒煮蜆，而炸物就選了吉烈蠔及椒鹽雞軟骨。
野菌雜菜鍋，蔬菜非常新鮮，味道清清甜甜，健康又好味呀！
清酒煮蜆，雖然沒有聞到清酒的味道，但是入囗味道好清香，蜆肉亦好鮮甜！
炸蠔外層脆口鬆化，蠔味鮮甜不會太乾身，如粉漿可以再薄些就更完美！
椒鹽雞軟骨外酥內脆，口感一流，又爽又脆，食到停唔到口呀！
鐵板燒羊架，肉質嫩滑，沒有強烈的羶味，整個口感和味道都不錯。
燒菠蘿，用上新鮮切片菠蘿，味道清甜醒胃！
鐵板妙銀芽，在清爽銀芽中加入黑椒同炒，口感爽甜又惹味！
最後是甜品！店員為我們另送上木康布丁及牛乳布丁，布丁入口有濃濃的牛奶香，口感滑嫩不太甜！
餐廳全店以卡座設計，讓人可以享受到舒適的私人空間感，而且食物質素和服務都很好，又飽又滿足的一餐，最後埋單連加一每位$185，性價比高，絕對超值！值得再次encore！
大本瀛日式放題
地址 : 旺角西洋菜街1號兆萬中心10樓
電話 : 3743 1977
＊以上文章全屬筆者的個人感覺，感受及效果因人而異，如需協助或獲取更多資訊，可聯絡品牌查詢或尋求相關專業意見。
CONTACT ME ❤ candyau0725@yahoo.com.hk
沒有留言:
張貼留言